Nagalapta nga post nga post sa social media nga may maigo nga bagyo sa pungsod nga kapareho sang Super Typhoon Yolanda indi matuod suno sa PAGASA
MANILA – Gin-athag sang PAGASA nga indi matuod ang nagalapta nga post sa social media nga may bagyo nga maigu sa pungsod nga kasubong kabaskog sang bagyo Yolanda. Ang Yolanda, isa sa mga pinakamabaskog nga nag-igu sa pungsod ilabe na sa Iloilo sang 2013.
Nagpanugyan ang PAGASA sa publiko nga indi gilayon pagpatihan kag i-share ang mga impormasyon nga halin sa indi reliable nga sources.
Mas maayo suno sa PAGASA nga mag-check sa ila social media accounts kag website agud mahibaluan ang sitwasyon sang panahon.
Una na nga ginpahayag sang state weather bureau nga manubo ang tsansa nga mahimo nga bagyo ang ginabantayan nga Low Pressure Area (LPA) nga yara sa vicinity sang Sablayan, Occidental Mindoro.
