Bolantero sang isda dakop sa drug buy bust operation sa City Proper

ILOILO CITY — Gin-ako ni alyas Junjun, bolantero sang isda, nga nagagamit siya sang ilegal nga droga agud mapisanan sa pagbaligya.

Si Junjun ang subject sa drug buy bust operation sang Police Station 1 Drug Enforcement Team sa Brgy. Muelle Loney, City Proper pasado las-5:40 kaina sang hapon.

Suno kay Police Captain Roque Gimeno III, hepe sang Police Station 1, ginagamit sang subject ang pagbaligya sang isda agud mag-transaksyon sang ilegal nga droga.

Nakuhaan sang 20 ka magagmay nga plastic sachets sang suspected shabu ang subject nga taga-Lapuz Norte kag ginakabig high value drug personality. Nakaagi preso si Junjun sang 2016 may kaangtanan man sa pagbaligya sang illegal drugs.

Naglab-ut sa P378,600 ang standard drug price sang mga na-recover kay Junjun.

Samtang, ginpanginwala niya nga nagabaligya siya sang ilegal nga druga. — via Aksyon Paula Elambayo