Malapit P2 million nga balor sang suspected shabu na-recover sa Tigbauan
ILOILO — Arestado ang duha ka high-value individual kag isa ka newly-identified drug personalities sa duha ka separado nga buy bust sa Tigbauan kahapon, Agosto 12.
Na-recover ang malapit P2 million nga balor sang suspected shabu sa duha ka operasyon nga ginhimo sang Provincial Drug Enforcement Team sang Iloilo Police Provincial Office.
Una nga gin-operate sa Brgy. Bagumbayan si alyas JG, 35 anyos sang Poblacion, Tigbauan kag ginakabig nga HVI. Nakuha ang 180 grams sang suspected shabu nga may standard drug price nga P1.2 million.
Sunod nga gin-operate sa Brgy. Napnapan Norte, Tigbauan si alyas Mike, 36 anyos nga residente man sang amo nga lugar kag HVI drug personality. Dakop man si alyas VL, 22 anyos nga newly-identified drug personality. Nakuha naman sa ila ang ginabanta 100 grams sang suspected shabu nga nagabalor sang P680,000. Nakapalagyo sa amo nga operasyon si alyas Boy nga kaupod ni Mike.
Suno kay IPPO Director, PCOL Bayani Razalan, nahimo ang operasyon tungod sa bulig sang komunidad sa police paagi sa paghatag sang impormasyon.
“I commend the exemplary performance of our operating team and Ilonggo’s drive to eradicate illicit drugs. Let us continue our collaboration for a more secure, drug-free, and progressive Iloilo,” suno kay PCOL Razalan. —via IPPO
