P500k nga reward money gintanyag sang Iloilo City gov’t sa makatudlo sa mga suspek sa pagpangransak sa Iloilo Supermart

Ginkumpirmar ni Iloilo City Mayor Jerry Treñas nga nadugangan ang reward money para sa makatudlo agud madakpan ang mga nagpangawat sa Iloilo Supermart sa Jaro.

Sa iya Facebook post, ginpabutyag sang alkalde nga may grupo sang mga negosyante nga nagdugang sang P250,000 reward. Una na nga nagtanyag si Mayor Treñas sang P250,000.

“A group of businessmen has informed me that they will be adding P250,000.00 as reward for any information leading to the identification and arrest of the perpetrators of the Iloilo Supermart robbery bringing it to a total of P500,000.00,” ang post ni Mayor Treñas.

Ginpasalamatan naman sang Iloilo City Police Office ang gintanyag nga reward.

Suno kay ICPO Director, PCOL Kim Legada daku nga bulig ini sa ginahimo nga imbestigasyon agud makilala kag madakpan ang mga suspek.

“We are committed to ensuring the safety and security of our city, and we appreciate the Mayor’s support in offering this reward. We urge anyone with information to share it with us. Your information could be crucial in bringing the perpetrators to justice,” ang pahayag ni Col. Legada.

Sa may mga ihibalo ukon ihatag nga impormasyon may kaangtanan sa natabu, mahimo mag-contact sa

ICPO hotline numbers: 335-0299 kag 0908-377-0194, ukon magbisita sa pinakamalapit nga police station. Ginpasalig sang ICPO ang safety sang mga mahatag sa ila sang impormasyon.