Mga learners sa Bita-o Gaja Elem. School kag Day Care Center nakabaton sang school supplies, vitamins sa Operation Tulong: Balik Eskwela sang Aksyon Radyo Iloilo, MBC Media Group kag Unilab
Naghatag sang kalingawan, vitamins kag school supplies ang mga personnel sang Aksyon Radyo Iloilo sa Monthly Operation Tulong: Balik Eskwela sang estasyunan, Manila Broadcasting Company (MBC) Media Group kag Unilab sa mga estudyante kag ginikanan sa Bita-og Gaja, New Lucena kaina sang aga.
Nakabaton sang notebooks, lapis, ballpen, eraser, sharpener, kag crayons ang 119 ka learners sang Bita-og Gaja Elementary School kag 15 ka learners sang Bita-og Day Care Center. May snacks kag vitamins man nga ginpanghatag sa mga learners.
Walo ka electric fan kag 16 trash bins ang gin-donate sa eskwelahan.
Nangin speaker sa aktibidad si Mr. Sunny M. De Vera sang MENRO New Lucena nga naghatag sang mga panugyan may kaangtanan sa husto nga paghaboy sang basura kag solid waste management sa eskwelahan agud malikaw sa balatian ang mga estudyante.
Nangin masadya pa gid ang aktibidad sa pahampang sang Aksyon Radyo nga ginpasakupan sang mga manunudlo kag learners nga nakapauli sang cash, kag Aksyon Radyo merchandise items.
