1 dakop, 1 nakapalagyo sa drug buy bust operation sa City Proper
ILOILO CITY — Nakapalagyo ang subject sa drug buy bust operation sa Brgy. Rizal Pala-pala 2, City Proper kagab-i, Setyembre 2.
Ginkilala ang subject kay Dexter Roque, 35-anyos sang amo man mga lugar. Gindakop man sang police ang iya hinablos nga si Reniel Español, 18-anyos.
Suno kay Punong Barangay Judy Navales, nadakpan na sadto sa kaso may kaangtanan sa illegal drugs ang subject kag na-monitor man sang barangay ang iya nga involvement sa illegal activities.
Kapitalista sang isda sa City Proper ang subject, suno sa iya.
Lima ka sachets sang suspected shabu nga nagabug-at sang 20grams kag may standard drug price nga P136,000 ang na-recover sa operasyon sang Regional Police Drug Enforcement Unit (RPDEU)
Ginpahayag ni Police Capt Glen Soliman, head sang RPDEU, isa ka semana nga gin-monitor ang illegal activities sang subject tubtob ginhimo ang operasyon.
Kaina, ang hinablos sang subject nga si Español ang nag-atubang sa mga operatiba, suno sa police.
Ginpabutyag naman ni Roque nga wala siya sang kahilabtanan sa illegal activities sang iya nga tiyo.
May impormasyon man suno sa police nga ginsugo pa sang subject ang iya mga manugbaligya isda nga magbaligya man sang illegal nga druga.
At large sa gihapon ang subject. — via Aksyon Farrah Mae Morano
