P1.2 million nga suspected shabu na-recover sa pangayaw sa drug buy bust sa Lapuz

ILOILO CITY — Nakuhaan sang P1.2million nga balor sang suspected shabu ang pangayaw nga lalaki sa drug buy bust operation Brgy. Mansaya, Lapuz las-11:29 sang Byernes sang gab-i, Setyembre 20.

Subject sang operasyon si Andrew Satore nga tumandok sang Brgy. Agpipili, Lemery pero naga-board lang sa Arevalo.

Suno kay Police Captain Glenn Soliman sang Regional Police Drug Enforcement Unit 6, na-monitor ang illegal activities sang subject sa sulod sang duha ka bulan.

Sa pagpangusisa sang police, wala sang trabaho ang subject pero nakilala niya lang ang iya ginpahayag source sang na-istorya paagi sa cellphone.

Sa Iloilo City lang nagakuha sang supply sang illegal drugs ang subject kag ginabaligya sa iya mga parokyano sa Arevalo.

Natukiban sang police nga may mga runner pa gid ang subject.

Nabaklan ang subject sang isa ka bulto sang suspected shabu nga nagabalor sang P13,000 kag na-recover pa gid ang 180grams.

Gina-check pa sang ang dugang nga background sang subject. — via Aksyon Farrah Mae Morano