Masobra P2 million nga balor sang suspected shabu na-recover sa manghod sang PDEA-identified HVI drug personality
ILOILO— Na-recover ang masobra P2 Million nga balor sang suspected shabu sa drug buy bust operation sa Brgy. General Hughes, City Proper kagab-i, Oktubre 7.
Ginkilala ang subject kay Allan Torpio, 37-anyos sang Brgy. Caingin, La Paz.
Si Torpio ang manghod ni PDEA-Identified high value individual drug personality alyas Striker/Apa nga nadakpan sang 2017 tungod sa engagement sa illegal drugs.
Suno kay Police Captain Roque Gimeno III, hepe sang City Proper Police Station, nagahalin ang supply sang illegal drugs sa tinawo sang iya nga magulang nga yara subong sa presuhan sa Muntinlupa.
Sa impormasyon sang police, nagatawag si Striker sa subject agud magsugo kun diin niya i-pick up ang illegal drugs kag kun diin nga lugar idul-ong.
Wala nagabaligya sang ginagmay nga supply sang illegal drugs ang subject, suno sa police.
Na-recover ang 305grams sang suspected shabu nga may standard drug price nga P2,074,000.
Sa pagpangusisa sang police, hinablos ni Torpio si alyas Aljun, ang lalaki nga na-identify sang police nga nag-drive sang motorsiklo nga ginsakyan sang gunman sa nagluntad nga shooting incident sa Pavia sang Sabado. — via Aksyon Farrah Mae Morano
