Former Mayor Jed Mabilog pasakaan sang kaso si Vice Mayor Jeffrey Ganzon

Pasakaan sang kaso nga libel ni former Iloilo City Mayor Jed Patrick Mabilog si Vice Mayor Jeffrey Ganzon sa masunod nga inadlaw.

Ini ang pahayag ni Mabilog sang ginpamangkot sa iya press conference pagkatapos sang proclamation rally sang Team Sulong Gugma subong nga gab-i kun ngaa ginpakontrahan nila si Ganzon nga mapadalagan para sa iya katapusan nga termino.

“May kaso ako i-file kay Jeffrey Ganzon, just watch out for it,” suno pa kay former Mayor Mabilog.

Wala na ginbuyagyag ni Mabilog kun ano ang rason ukon ginhalinan kun ngaa mapasaka siya sang kaso. Pero nahibaluan kag ginahulat na ini ni Ganzon, suno kay Mabilog.

Mapapili sa pagka-vice mayor sa Team Sulong Gugma si former City Councilor Lady Julie Grace “Love-Love” Baronda. — via Aksyon Marvin Malificiar