Mini gasoline station nasunog sa San Enrique

ILOILO— Nasunog ang mini gasoline station ukon Technology-Solution Retail Outlets (TSRO) sa Brgy. Tambunac, San Enrique sang gab-i sang Oktubre 7.

Suno kay Fire Officer 1 Marlou Miane, fire arson investigator sang San Enrique Fire Station, ginahibalo pa ang rason sang pagkasunog sang gasolinahan.

Gina-imbestigaran pa sa gihapon kun diin nga parte sang gasolinahan nagsugod ang kalayo tubtob naglapta.

Wala sang tawo sa gasolinahan suno sa caretaker, kag ginsiraduhan las-6 sa gab-i.

Naglab-ut sa P332,000 ang balor sang kahalitanan sang sunog. — via Aksyon Farrah Mae Morano