100-day Countdown sa Iloilo Dinagyang Festival 2025 hiwaton sa Oktubre 18
Hiwaton sa Oktubre 18 ang 100-day countdown para sa Iloilo Dinagyang Festival sa masunod nga tuig.
Ginapaabot man nga ilunsar sa event nga hiwaton las 5 y medya sa hapon ang bag-o nga logo sang Dinagyang Festival.
Ang Iloilo Dinagyang 2025 nga gintalana sa Enero 24 tubtob 26 may tema nga “Buhi nga Pagtuo sa Kinabuhi sang mga Ilonggo.”
Balantayan sa masunod nga tuig ang madamo nga events nga naka-schedule sa pinakadaku nga kahiwatan sang siyudad.
Madumduman ang Iloilo Dinagyang nga ginarepresentar sang Tribu Pan-ay ang gindeklarar nga kampeon sang Aliwan Fiesta 2024.
