6 ka suspek sa pag-ransak sa Iloilo Supermart sa Jaro sang Agosto napasakaan na sang kaso
Napasakaan na sang kaso ang mga suspect sa pag-ransak sa Iloilo Supermart sa Jaro sang Agosto 27.
Suno kay Police Colonel Kim Legada, director sang Iloilo City Police Office, robbery by the use of force upon things ang kaso sa anum ka mga suspect nga miyembro sang termite gang kag lunsay taga-Cordillera Administrative Region kag Mindanao.
Ginkilala ang mga suspects kanday:
1. Neil Patani- Barangay Nacagay, Sagada, Mountain Province
2. Christopher Quizel- Barangay Sto. Niño, Tukuran, Zamboanga del Sur, (Identified nga leader sang grupo)
3. Bong Jacob Dulag- Barangay Katengan, Bisao, Mountain Province.
4. Abanse Baiwes- Barangay Besao, Mountain Province.
5. Junrel Dumandos- Barangay Balonai, Midsalip, Zamboanga del Sur.
6. Iking Joralan
Nagkuha sang malawig nga tiempo sang imbestigasyon ang pag-review sang mga CCTV footage.
Nangin daku man nga bulig ang statement sang pito ka mga witnesses nga naka-istorya ang mga suspect gani nakilala sila.
Nakita sa CCTV footage sa sulod sang grocery store nga duha ang nagkuha sang kwarta sa vault samtang ang nabilin nga apat ang naserbe nga lookout kag driver sang Toyota Hi-Ace nga nagserbe nila nga getaway vehicle.
Sa subong, case cleared na ang natabu tungod nakilala kag napasaka na ang kaso pero indi ini matapos tubtob maserbe ang warrant of arrest kag madakpan ang suspects, suno sa police. — via Aksyon Maria Kayla Tingzon
