Iloilo-Zamboanga flight vice versa nagsugod na

ILOILO — Mas madasig na ang biyahe halin Iloilo pa-Zamboanga City sa pagsugod sang flights nga Iloilo-Zamboanga City kag vice versa.

Naghugpa sa Zamboanga International Airport, las-7:25 kagab-i, Oktubre 28, ang Cebu Pacific Iloilo-Zamboanga flight.

Ginsugata ini sang ceremonial water cannon salute sang Aircraft Rescue and Fire Fighting (ARFF) team.

Suno sa Civil Aviation of the Philippines (CAAP) Zamboanga, 98 ang sakay sang eroplano pa-Zamboanga kag 114 ang sakay pabalik sa Iloilo.

Ini ang labing-una nga tion nga may direkta nga flight ang duha ka lugar.

May flight kada Lunes, Miyerkules, kag Biyernes.

Ginpabutyag ni Mayor Jerry Treñas nga daku ang mabulig sang direct flights sa pagsanyog sang Zamboanga City kag Iloilo lakip sa siyudad tungod mapadasig na ang pagbiyahe.