Pusil ni AAMBIS-OWA Party-list Rep. Lex Colada wala sang blotter report sa IPPO nga nadula ukon ginkawat

ILOILO — Wala sang blotter report nga nabaton ang Iloilo Police Provincial Office nga nadula ukon ginkawat ang caliber 45 nga pusil ni AAMBIS-OWA Party-list Representative, Atty. Lex Colada nga amo ang na-recover nga gingamit ni John “JR” Castro, Jr. sa pagpatay kay San Rafael, Tigbauan Joevanie Triste sang Oktubre 24.

Suno kay Police Major Rolando Araño, spokesperson sang IPPO, wala sang nakita sa ila system nga blotter report halin kay Atty. Colada may kaangtanan sa status sang iya pusil.

Ginpabutyag man ni Araño nga maka-file sang blotter report ang indibidwal sa bisan diin posible nadula ukon ginkawat ang iya pusil.

Wala pa makahatag sang statement si Atty. Colada kun paano nakalab-ut kay Castro ang iya pusil nga gina-imbestigaran na sang IPPO.