PWD arestado sa drug bust operation sa Molo
ILOILO CITY — Nakuhaan sang 53 grams sang suspected shabu ang 22-anyos nga lalaki sa drug bust operation sang Iloilo City Drug Enforrcement Unit sa Brgy. San Jose, Molo sang Nobyembre 12 sang gab-i.
Ginkilala ang nadakpan kay alyas Joshua nga person with disability.
Suno kay Police Captain Ryan Christ Inot, chief sang City Drug Enforcement Unit, personal nga nagakadto sa balay sang subject ang mga customer agud magbakal sang illegal drugs.
May mga tiun man nga si alyas Joshua ang naga-deliver sang illegal drugs bisan pa nabudlayan maglakat.
Nagabalor sang P387,000 ang suspected shabu nga na-recover. — via Aksyon Paula Elambayo
