UPV-Iloilo, CPU lakip sa mga top performing schools sa November 2024 Chemical Engineering Licensure Exam; UPV may 100% passing rate

ILOILO CITY — Lakip sa mga top performing schools ang University of the Philippines Visayas- Iloilo City kag Central Philippine University sa November 2024 Chemical Engineering Licensure Exam.

Base sa resulta nga ginpaguwa sang Professional Regulation Commission (PRC) nakakuha sang 100% nga passing rate ang UPV- Iloilo. Lunsay nakapasar ang 21 ka mga graduates sang unibersidad sa nasambit nga pasinawan.

Ang CPU, may 83.33% nga passing rate sa diin 10 sa 12 ka mga examinees ang nakapasar.

Gin-anunsyar sang PRC nga 688 sa 951 examinees ang nakapasar sa November 2024 Chemical Engineer Licensure Exam nga gin-conduct sang Nobyembre 20 tubtob 22 sa bug-os nga pungsod.