Mga designated common poster areas sa Iloilo City gintumod sang City Comelec
ILOILO CITY — Gintumod na sang Commission on Elections (Comelec) – Iloilo City ang mga designated common poster areas sa siyudad para sa pagsugod sang campaign period sa 2025 midterm elections.
Sa Pebrero 11, masugod na pangampanya ang mga nagapadalagan sa national positions sa pagka-senador kag party-list representatives.
Ang mga common poster areas sa siyudad ang mga masunod:
>Molo plaza nga naga-atubang sa Caltex Station kag Molo Mansion
>Plaza Libertad nga naga-atubang sa masonic temple sa JM Basa Street
>La Paz Plaza nga naga-atubang sa La Paz Police Station kag La Paz I Elementary School
>Jaro Plaza nga naga-atubang sa Land Bank Jaro kag Ledi Supermart
>Arevalo Plaza Rizal nga naga-atubang sa daan nga police station
>Dahlia Street nga naga-atubang sa Bo. Obrero Cathlic Church
>Mandurriao Plaza nga naga-atubang sa 7/11 convenience store
“ONLY NATIONAL CANDIDATES and PARTY-LIST GROUPS are ALLOWED TO POST their political campaign materials on aforementioned common poster areas on February 11, 2025,” suno sa Comelec- Iloilo City.
Una na nga ginpahayag sang Comelec nga madugangan pa ang designated areas sa pagsugod sang campaign period para sa mga nagapadalagan sa local positions — pagka-councilor, vice mayor, mayor, kag kongresista. Sa Marso 28 masugod ang campaign period sa local positions.
