“Personal attacks, fake news, and baseless accusations won’t help our city move forward.” — Cong. Julienne Baronda sa pahayag ni Mayor Jerry Treñas
ILOILO CITY—Ginkatingala ni Iloilo City Lone District Representative Julienne Baronda ang mga pagpang-atake ni Mayor Jerry Treñas kay former Mayor Jed Patrick Mabilog bisan pa nga indi man siya kandidato sa eleksyon.
Sa iya statement, ginpabutyag ni Cong. Baronda nga si PDEA Director General Moro Virgilio na mismo ang nagpanginwala sa kahilabtanan sang anay alkalde sa illegal drug trade sa Quad Committee hearing sang Oktubre sang nagligad nga tuig.
Ini may kaangtanan sa paglakip sang alkalde sa iya statement sang mga impormasyon nga iya nabaton halin kay former House Speaker Pantaleon Alvarez nga madamo sang ebidensya kontra kay Mabilog sa iya koneksyon sa illegal drug trade sa siyudad.
Suno kay Baronda, indi makabulig sa siyudad ang personal nga pagpang-atake, fake news, kag wala sang basehan nga mga akusasyon.
Mas nagakinahanglan suno sa iya ang siyudad sang lider nga nagatutok sa matuod-tuod nga isyu sa healthcare, edukasyon, livelihood, seguridad, kag isyu sa pagmahal sang real property tax kag nagadaku nga utang sang siyudad, dugang pa ni Cong. Baronda. — Aksyon Marvin Malificiar
