2 ka pangayaw dakup sang nagbayad sang peke nga kwarta sa Banate
ILOILO — Nadakpan ang duha ka mga indibidwal sang nagbayad sang peke nga kwarta sa Banate Public Market sa Barangay Poblacion, Banate sang Abril 4.
Suno kay Police Captain Randy Lambungan, officer in charge sang Banate Municipal Police Station, natimbrehan sang apat ka mga manugbaligya nga peke ang kwarta nga ginbayad sa ila sang suspects nga kanday Arjay kag Jena Mae, lunsay pangayaw tungod Tagalog ang panghambal.
Tungod sini, ginlagas nila ang mga suspetsado kag nagtawag sang police nga naka-standby sa guwa sa merkado.
Wala naman nadakpan ang duha pa ka mga kaupdanan sang suspects.
Sang gin-verify sa bangko ang mga kwarta, natukiban nga peke ang mga ini.
Nakuha sa suspects ang kinilo nga ahos, bombay, kamatis kag iban pa nila nga ginpamakal.
Pasakaan sang kaso nga swindling ang mga suspetsado. — Aksyon Maria Kayla Tingzon
