(UPDATE) Congressman Jerry Treñas, gintudlo ni Councilor Ed Peñaredondo nga may kamot sa balasahay sa sa City Council nga nagkakas sa ila ni Councilor R. Leone Gerochi sang committee chairmanships

Iloilo City–Nagapati si Councilor Ed Peñaredondo nga may blessing ni Congressman Jerry Treñas ang pagbalasa sa mga komitiba sa city council ilabe na sa komitiba nila ni Councilor R. Leone Gerochi.

Kasunod ini sang resolution ni Councilor Plaridel Nava nga nagadeklarar nga bakante ang committee chairmanships nanday Peñaredondo kag Gerochi pati na ang position sa pagka-Floor Leader kag Assistant Floor Leader.

Ginpahayag ni Peñaredondo nga bisan wala naga-istoryahanay sanday Nava kag Treñas, ara man suno sa iya si Councilor Joshua Alim kag iban pa nga konsehal nga identified sa kongresista. Posible man suno sa iya nga nangin link sanday Vice Mayor Jeffrey Ganzon kag anay Councilor JamJam Baronda nga nangin maayo ang relasyon sa ila nga mga konsehal kag kay Mayor Joe Espinosa.

Una na ginpabutyag ni Councilor Nava nga wala sang labot sanday Treñas kag Espinosa sa balasahay sang komotiba kundi luyag niya lang nga salbaron ang nabilin nga integridad sang konseho. (AGB)