MTRCB, PNP, DILG kag tv networks, engganyuhon ni Senador Grace Poe nga mag-dayalugo angut sa mga ginahimo nga pelikula kag teleserye

Iloilo City–Engganyuhon ni Senator Grace Poe ang Movie-Television Review and Classification Board (MTRCB), Philippine National Police, Department of Interior and Local Government kag mga tv networks nga mag-dialogue agud istoryahan ang ila mga tinutuyo sa mga ginahimo nga pelikula kag teleserye.

Kasunod ini sang pagreklamo ni PNP Chief Director General Oscar Albayalde sa negatibo nga pag-portray sang kapulisan sa serye nga “FPJs ang probinsyano.”

Suno sa senadora nga chairperson sang Committee on Public Information and Mass Media, puwede man maghingyo ang PNP sang bulig sa mga networks angut sa ila mga programa batuk sa kriminalidad kag korapsyon.

Indi man pabor si Poe nga diktahan lang sang gobierno kon anu ang puwede himuon sa mga pelikula kag teleserye ilabe na kon indi man lang pornographic ukon lapas sa kasuguan bangud kabahin ini suno sa iya sang freedom of expression. (AGB)