3 nadakpan sa una nga adlaw sang Comelec Gun Ban

Iloilo City– Tatlo ang nadakpan nga naglapas sang Comelec gun ban sa Western Visayas angut sa May 13, 2019 elections.

Suno sa Police Regional Office ukon PRO-6, duha ka 45 caliber kag .38 pistol ang nakumpiskar sa mga nadakpan.

Sa record sang PRO-6, ang mga nadakpan amo sanday Antonio Francisco, 45 sang Barangay Canabajan, Calinog, Gil Halang Jr, 45 sang Barangay Nagba, Cuartero Capiz kag Dina Licera, 54 sang Barangay Amamaros, Pototan.

Nag-umpisa ang Comelec gun sang Enero 13 sang kaagahon kag magatakop sa Hunyo 12, 2019. (JoMaque)