Barangay kapitan sang Pontoc, Lemery, patay sang naaksidente ang ginamaneho nga motorsiklo

Lemery, Iloilo — Patay ang punong barangay sang Barangay Pontoc, matapos naaksidente sa iya ginamaneho nga motorsiklo.

Suno kay PSI Marvin Buenavista, hepe sang Lemery Police Station, natabo ang aksidente kahapon, Enero 19 sa Barangay Sepanton sang amo man nga banwa matapos wala natalupangdan ni punong barangay Nelson Parcia, 66 anyos, ang nagasunod nga multicab nga ginamaneho ni Victorico Selguera, 77 sang Ungka II Pavia.

Posible nga wala man natulupangdan sang driver sang multicab ang motorsiklo nga ginamaneho sang kapitan sang gulpi lang siya nagliko rason nga iya nabungguan.

Gindala pa sa ospital ang kapitan apang wala gid natabangan.

Detained naman sa Lemery Police Station ang driver sang multicab. (JoMaque)