Police deployment sa Jaro Fiesta, nagsugod subong nga adlaw

Iloilo City — Nakaplastar na ang police deployment para sa Jaro Fiesta buwas, Pebrero 2.

Sugod subong nga adlaw, ginpahamtang na ang advanced command post sa compound sang Jaro Cathedral kag guwa sang plaza.

Nagsugod naman ang mga pulis sa pag-check sang bag sang mga nagasulod sa Cathedral kag plaza kaina sang udto. Gindumilian man ang pag-park sang mga salakyan sa compound sang Cathedral.

Ginpanugyanan ni Siacon ang mga sumilimba kag mamiesta nga likawan na lang ang pagdala sang backpack kag dalagku nga bag agud indi mahul-an bangud sang mas hugot nga seguridad. (AGB)