DOH 6, nagpahamtang sang condom stations sa pila ka unibersidad sa Iloilo

Iloilo City — Ilunsar ang Condom Station sa isa pa ka unibersidad sa siyudad sang Iloilo sa bisperas sang Valentine’s Day.

Ang dugang nga Condom Station ibutang sa University of Iloilo. Una na nga ginlunsar ang Condom Stations sa University of the Philippines (Miag-ao kag city campuses) kag West Visayas State University sang 2018.

Ang Condom Stations sa mga Higher Education Institutions (HEIs) bilang isa sa mga pamaagi sa pag-address sang HIV transmission ilabe na sa 15-24 nga age group.

Ang mga stations nagatanyag sang safe place para sa mga pamatan-un sa diin ma-access nila ang condoms pero kapares sini ang counseling kag edukasyon.

Ang Condom Stations joint project sang Department of Health-CHD VI, Commission on Higher Education 6, Family Planning Organization of the Philippines (FPOP) Iloilo, Team Bughaw kag iban pa nga regional partners.

Ginpa-athag ni DOH 6 STI/HIV and AIDS coordinator Adrian Hort Ramos nga indi basta-basta nga hatagan sang condom ang estudyante sa mga Condom Stations. 

Ginpahayag ni Ramos nga ang mga edad 15 tubtob 24 ang naga-engage sa “risky behavior.”

Suno naman sa 15-anyos nga estudyante sang UP Iloilo City campus, practical ang pagpahamtang sang Condom Station sa unibersidad bangud sa ila edad, curious sila sa sex kag paagi sa amo nga programa, mapahagan-hagan ang teenage pregnancy kag malikawan ang HIV. (AGB/MO)