Pila ka barangay nga ginpahayag kontrolado sang New Peoples Army, ginatutukan sang kapulisan kag militar

Iloilo City — Ginatutukan sang Philippine National Police (PNP) kag Philippine Army (PA) ang pila ka barangay nga gina-claim sang New People’s Army nga kontrolado sang ila pwersa.

Kasunod ini sa pagpaguwa sang Partido Komunista ng Pilipinas Panay Region sang guidelines para sa nagahilapit nga May midterm elections sa pagpangampanya sang mga kandidato.

Suno kay Iloilo Police Provincial Office Director Senior Supt. Marlon Tayaba, madugay na ang amu nga polisa sang NPA. Sa pagkamatuod suno sa iya sang 2013, nagpaguwa man ang NPA sang guidelines.

Ginpasiguro ni Tayaba nga nagapadayon ang military kag police operations sa mga kabaraggayan nga gina-claim kag may impluwensiya sang rebelde.

May ara suno sa iya sang barangay sa first kag second district sang Iloilo nga may influence sang rebelde.

Pero ginakabig sang mga otoridad suno kay Tayaba nga patalang lang ang pag-claim sang mga rebelde nga may kontrolado sila nga barangay. (Ariel Solacito)