Motu proprio administrative investigation ginahimo sang NAPOLCOM 6 sa pag-operate sang PNP-IMEG sa dismissed police officer nga wanted sa Molo Police Station

ILOILO CITY — Naga-conduct sang motu proprio administrative investigation ang National Police Commission (NAPOLCOM) 6 sa natabo sa Molo Police Station sang Hulyo 1 sa pag-implementar sang PNP Integrity Monitoring and Enforcement (IMEG) sang warrant of arrest.

Sa statement, ginpahayag sang NAPOLCOM nga nag-deploy sila sang Monitoring and Investigation Team sa pag-conduct sang validation kag fact-finding.

Gintipon man sang NAPOLCOM ang anonymous complaint may kaangtanan sa insidente agud mapasiguro ang ginpasangkad, impartial, kag ensakto nga imbestigasyon.

“This administrative investigation is independent of and separate from any investigation being conducted by the Philippine National Police or any other government agency,” pahayag sang NAPOLCOM.

Ginpasalig sang NAPOLCOM nga committed sila sa pagpasiguro nga tanan nga alegasyon ang gina-imbestigaran sang patas kag ipaagi sa due process.