Ginapatihan miembro sang NPA, patay sa engkwentro sa Tubungan!
Tubungan, Iloilo–Patay ang ginapatihan nga miembro sang New People’s Army sa engkwentro sa boundary sang Barangay Buenavista kag Batga sa Tubungan pasado alas-3 kaina sang kaagahon.
Ginkonfirmar ni Major Rey Tiongson, spokesman sang Philippine Army 3rd Infantry Division, nga narecover ang bangkay matapos ang enkwentro sang ginapatihan grupo sang mga rebelde kag mga tropa halin sa 82nd Infantry Battalion. Nakuha sa bangkay ang isa ka m16 rifle, isa ka caliber-45 pistol, mga bala kag magazines kag personal nga kagamitan. Wala pa na-kilala ang bangkay suno kay Tiongson.
Ang engkwentro kaina sang kaagahon, kabahin pa sang hot pursuit operation sang mga soldado sa engkwentro sa Barangay Ambarihon sa amo man nga banwa kahapon sang hapon. Gin-athag naman ni Tiongson nga estable na ang kondisyon ni Corporal Paul Zaldo nga napilasan sa tiyan sa engkwentro kahapon. (Aine Grace Bravo)