Update: 57-Anyos nga Babaye nga Nasapwan Patay sa Sta.Rita Oton, Positibo nga Ginhimuslan!

By: Nemesio Martirez

Positibo nga ginhimuslan kag ginpatay ang 57-anyos nga babaye nga nasapwan sa puno sang kamunsil sa tunga sang wayang sa Sta Rita, Oton. Ini ang nakumpirmar sa autopsy result ni Dr Owen Lebaquin, medico legal officer sang Police Regional Office 6 sa diin may nakita nga pilas kag semilya sa kinatawo sang biktima. May mga pilas man sang pagkabuno sa tiyan, sa likod sang lawas kag wala nga mata nga posible agi sang paglampos sang matig-a nga bagay. Suno kay Lebaquin, posible kutsilyo kag screw driver ang gingamit sa pagbuno sa biktima kag posible man duha ka tawo ang naghimulos kag nagpatay diri. Una na ginpatihan sang bana nga si Alyas Nardo nga ginhimuslan ang iya asawa bangud halos hublas na ini sang nasapwan sa diin nabilin na lang nga nakatabon sa iya dughan ang gisiun sini nga dasteR.