Drug-Clearing Operations sa Region 6, Back To Zero–PRO-6

Balik sa zero ang drug-clearing operations sang mga pulis sa Rehiyon 6 agud siguraduhon nga matinluan sang mga drug pushers, users, drug den kag drug protectors.

Ini ang mandu ni Police Regional Office 6 Director PCSUPT Jose Gentiles base sa gin-isyu nga memorandum sang Agosto 19 para sa mga city kag provincial directors.   Nagakahulugan ini suno kay PRO 6 Spokesman PSUPT Gilbert Gorero nga makonsiderar nga drug-affected ang tanan nga barangay.

Suno kay Gorero, indi madeklarar nga drug-cleared ang barangay kun indi matapos ang rehabilitasyon nga nagalawig sang apat tubtub anum ka bulan.

Gin-athag ni Gorero nga indi madali ang pag-conduct sang drug-clearing process sa barangay sa diin kinahanglan nga mag-agi sa pre-operation, operation kag post-operation antes madeklarar nga drug-cleared. (AGB)