MASA-MASID Program sang DILG, Igalunsar sa 3 ka mga Banwa sa Probinsya

Iloilo — Igalunsar buwas sang DILG-province ang programa nga “Mamamayan ayaw sa anomaliya, Mamamayan ayaw sa illegal na druga” ukon MASA-MASID.

Suno kay DILG 6 Provincial Director Teodora Sumagaysay, mangin pilot sang programa ang Estancia, Carles kag Pototan.

Napilian ang tatlo ka banwa nga may pinakamadamo nga drug surrenderers base sa record sang Iloilo Police Provincial Office (IPPO).

Magapasakup sa launching sa hotel sa syudad ang mga barangay kapitan, mga local chief executives kag mga hepe sang gintumod nga mga banwa.

Ang MASA-MASID suno kay Sumagaysay, barangay-based nga organisasyon nga nagatuyo agud mabatuan ang illegal nga druga, kriminalidad kag corruption. (JoMaque)