Mayor Jed Patrick Mabilog, nagalaum nga matinluan ang pangalan sa isyu sa illegal drugs

Iloilo City–Nagalaum si Mayor Jed Patrick Mabilog nga matinluan ang iya pangalan sa isyu nga siya sa mga drug protectors.

Isa ini sa mga wish sang alkalde para sa masunod nga tuig. Nalakip si Mayor Mabilog sa narco list ni Presidente Rodrigo Duterte pero ginapanginwala sang alkalde nga may ginproteheran siya nga drug personalities.

Nagapati naman si Mabilog nga wala sang dapat itago ang isa ka tawo kun indi man ini involved sa ilegal nga druga. Nagapadayon pa suno sa iya ang imbestigasyon sa mga local officials nga nalakip sa narco list kag gina-comply man niya ang mga kinahanglan nga mga dokumento.

Ginpabugal sang alkalde nga daku na ang improvement sang syudad bangud sa hugot nga kampanya sang kapulisan, mga barangay officials kag pumuluyo kontrasa illegal drugs. (AGB)