‘Balik sa P40 flagdown rate’

Iloilo City —  Balik sa 40 pesos ang flagdown rate sa mga taxi sa syudad.

Ginkonfirmar ini ni LTFRB 6 legal officer Jose Marie Lamparero kasunod sang desisyon sang board sa central office.

Suno kay Lamparero, epektibo ang 40 pesos nga flagdown rate sa Huwebes, Pebrero 9.

Gin-athag naman ni Lamparero nga wala nadala ang Iloilo sa piso nga saka sa plete sang depasahero nga mga jeep bangud naga-epekto lang ang mandu sa CALABARZON area.

Madugay naman nga dapat ginpatuman na ang pagbalik sang 40 pesos nga flagdown rate suno kay Association of Taxi Operators in Panay (ATOP) president Perfecto Yap.

Pero ginlaygayan ni Yap ang mga taxi drivers nga hulaton ang papel halin sa LTFRB nga itapik sa ila units agud makita sang mga pasahero kag malikawan ang pagbaisay. (JoMaque)