‘Indi pabor’

Iloilo City–Indi pabor sanday Punong Barangay Jing Villanueva sang Boulevard, Molo kag Punong Barangay Sergio Causing sang Block 17 Housing kag ABC President sa Mandurriao sa counter proposal sang Panay Electric Company (PECO) nga ilisan sang smart meter ang kuntador sang mga konsumedor.

Suno sa duha, gina-ulikdan nila ang ila mga constituents nga pigado kag daw haluson makabakal sang pagkaun. Mabudlay ang smart meter suno kanday Villanueva kag Causing bangud mapilitan ang mga konsumedor nga magpangita sang computer ukon android nga cellphone nga may internet agud maka-load kon maubos sang load ang smart meter.

Komporme naman ang mga kapitan sa ginduso ni Councilor Joshua Alim nga meter reading card system nga  nangin subject sa public hearing sang komitiba sa City Council sang nagligad nga semana. (AGB)