Ginreklamo nga Kura Paruko sang Guimbal Parish Church, ginpabakasyon sang Jaro Archdiocese

Guimbal, Iloilo — Ginpabakasyon sang Jaro Archdiocese si Father Abelardo Sobredo, Kura Paruko sang Guimbal Parish Church, matapos ginpetitionan nga pahalinon bangud sa ginpahayag indi maayo nga pamatasan.

Kaundan ini sang desisyon sang palasyo sa ginpalab-ut nga reklamo batuk sa pari. Magabulos kay Sobredo ang Assistant Parish Priest nga si Father Ricky Gubat sa bulig ni Father Joenick Teritorio, kura paruko sang San Joaquin Parish Church.

Tubtob sa Nobyembre ang bakasyon ni Sobredo antes siya isaylo sa bag-o nga assignment. Samo naman ang reaksyon sang mga Guimbalanon sa desisyon.

Nalipay ang mga nagpirma sa desisyon bangud sa madasig nga desisyon sang palasyo pero may mga nasubuan man. (JoMaque)