Dinagyang Update: Fluvial procession sa Biernes, ginapreparahan na

Iloilo City–50 ka sakayan pandagat ang ginpreparar para sa fluvial procession ni Senior Sto. Niño de Cebu sa Biernes, Enero 26, bilang kabahin sang 50^th Dinagyang Festival.

Suno kay Reverend Father Reymundo Alcayaga, parish priest sang San Jose Parish Church, first come first serve ang magasaka nga deboto sa sakayan. Ginpahanumdom ni Father Alcayaga ang mga deboto nga indi sila magpasakay sang bata nga naga-edad sang pito ka tuig panubo.

Alas-3 sa hapon, magasugod ang fluvial procession halin sa Fort San Pedro pakadtu sa Customs House sa Muelle Loney.

Hiwaton man ang solemn foot procession halin sa Customs House pakadtu sa San Jose Parish Church sa diin hiwaton ang misa.

Pagkatapos sang misa, pagasuguran ang religious sadsad kag blessing sang mga imahe sang Sto. Niño. (AGB)