(UPDATE) Passi City Mayor Jesry Palmares, nagmandu sa police nga dakpon sa anuman nga paagi ang suspek sa brutal nga pagpatay sa Grade 3 teacher sa Barangay Gemumua-Agahon

Passi City, Iloilo–Ginmanduan ni Mayor Jesry Palmares ang hepe sang Passi City Police Station nga dakpon sa anuman nga pamaagi ang suspek nga brutal nga nagpatay sa Grade 3 teacher nga si Ma. Corazon Tionson, 55, sa Barangay Gemumua-Agahon.

Suno sa alkalde, may mga lead na sila sa posible mga lugar nga panaguan sang suspek nga si June Aguilar, 34 anyos sang amu man nga lugar.

Base sa pagpamangkot ni Palmares, ginpahayag nga bata ang suspek, ginahimo sini ang anuman nga magsulod sa iya pinsar kag ginasulod ang balay kon may makita nga butang nga iya naluyagan kag ginakuha.

Ginapa-verify naman sang alkalde kon drug personality si Aguilar.

Posible suno sa iya nga nakabati si Aguilar nga naka-loan ang maestra kabangdanan nagka-interest ini nga sudlon ang balay sang biktima.

Sa payag nga ginatulugan ni Aguilar nga may kalayuon nga 200 metros halin sa balay sang biktima, narecover ang kulintas sang maestra kag ang duguon nga bayo sang suspek. (AGB)