Tricycle driver, nakakas ang dulunggan sa aksidente sa Oton

Oton, Iloilo – Nakakas ang wala nga dulunggan kag napilasan sa ulo ang tricycle driver sang nag-awas ang iya tricycle sa gutter sang karsada sa Barangay Lambuyao, Oton, subong nga gab-i, Disyembre 17.

Ginkilala ang driver kay Alyas Noel sang Barangay Abilay Sur.

Padulong kuntani sa Poblacion halin sa ila barangay si Noel sang naaksidente. Ginpahayag nga nahulog gid ini sa iya tricycle.

Naaksidente si Noel sa ginakay-o nga road project sa nasambit nga lugar.

Lipong ini sang gindala sang mga katapo sang Oton Search and Rescue Team sa WesternVisayas Medical Center. (JoMaque)