Lineman sang Ileco 1, patay sang naaksidente sa motorsiklo sa Guimbal

Guimbal, Iloilo — Patay ang lineman sang Iloilo Electric Cooperative (ILECO) 1 matapos nadisgrasya ang ginamaneho nga motorsiklo sa Brgy. Rizal-Tuguisan, Guimbal las 3 kaina sang kaagahon, Hunyo 13.

Dead-on-arrival sa Guimbal District Hospital si Julius Hachero, 33 anyos sang Gerona-Gimeno Street, Guimbal, bangud sang pilas sa ulo kag tuo nga paa.

Suno kay Police Corporal Deogracias Nobleza, imbestigator sang Guimbal Police Station, posible napiyungan ang biktima samtang nagamaneho.

Wala suno sa iya sang helmet si Hachero sang nadisgrasya. (AGB)