(UPDATE) Pagbukas sang overpass sa Luna, Lapaz sa atubang sang WVSU kag INHS, nag-ani sang positibo nga reaksyon –PSTMO head

Iloilo City — Positibo ang reaksyon sang mga estudyante sa pagbukas sang overpass sa Luna, Lapaz sa atubang sang West Visayas State University kag Iloilo National High School.

Suno kay Public Safety and Transportation Management Office (PSTMO) head Jeck Conlu, ginkalipay sang mga estudyante ang pagamit sang overpass bangud mas safe ang ila pagtabuk. Daku man ang nabulig sini agud mapatawhay ang trapiko sa lugar kon rush hour.

Gintinluan sang PSTMO ang overpass agud diri na magtabuk ang mga estudyante imbes sa karsada nga delikado kag nagatuga sang pagpugok sa trapiko.

May tinawo ang PSTMO suno kay Conlu nga naga-assist sa mga estudyante sa pag-agi sa overpass. (AGB)