Balay sa Lapaz, ginkawatan

Iloilo City — Nag-report sa Lapaz Police Station si Roda Binueza, 34-anyos sang Brgy. Magsaysay Village, Lapaz, matapos ginsulod kag ginkawatan ang iya balay.

Suno kay Binueza, gin-review niya ang footage sang CCTV camera sa ila balay kaina sang aga kag natukiban ang pagsulod sang wala makilala nga lalaki sang Hunyo 12 sang kaagahon.

Ginabanta naga-edad ang lalaki sang 20’s, nagataas sang 5’5 kag may tattoo sa magtimbang nga butkon.

Nagsulod ang lalaki paagi sa bintana.

Nadula ang cellphone nga nagabalor P8,500 kag pila ka items sa tiangge sang tagreklamo. (AGB)