Pulis, pilason matapos natiruhan sang nagserbe sang search warrant sa Ajuy

Ajuy, Iloilo — Napilasan sa tuo nga butkon si Patrolman Herbert Felera sang Dumarao, Capiz sang nagserbi sang search warrant sa Brgy. Adcadarao, Ajuy mga las 6 kaina sang aga, Hunyo 15.

Suno kay Police Major John Van Luspo, hepe sang Ajuy Police Station, nagkadtu ang mga pulis sa balay sang subject nga si Rodel Paja, 34 anyos, agud magserbi sang search warrant angut sa kaso nga illegal possession of firearm sang gulpi lang sila nakabati sang lupok.

Nagresulta ini sang pagkapilas ni Patrolman Felera nga padayon nga ginabulong sa ospital.

Nag-surrender si Paja sa Sitio Dawis, Barangay Poblacion, Ajuy sang Hunyo 16 sang hapon. (AGB)