(UPDATE) Driver nga nakabunggo patay sa mag-asawa sa Diversion Road, nakapiyansa

Iloilo City — Gin-release sang Mandurriao police si June Paul Valencia, 32 anyos sang Mandurriao kag driver sang Mazda sports car nga nakabunggo sa mag-asawa nga nagatabok sa Diversion Road, Mandurriao kaina sang aga, Hunyo 15.

Nakapiyansa si Valencia sang P60,000 sa kaso nga Reckless Imprudence Resulting in Damage to Property with Double Homicide gani gin-release las 4:45 subong nga hapon.

Patay ang mag-asawa nga Joemarie Osano, isa ka principal, kag Alnie Dinah Osano, isa naman ka maestra, sang Loefel Village Subdivision, Barangay Ticud, Lapaz, bangud sang ila mga kasamaran sang nabungguan samtang nagatabok sa pedestrian lane.

Ginahingagaw sang pamilya sang mag-asawa ang pagpasaka sang kaso batuk kay Valencia. (AGB)