September 26, 2022

‘Sectoral AICS’, ginapanghatag base sa request sang mga local chief executives — DSWD

Read Time:1 Minute, 3 Second

ILOILO — Wala naga-untat ang Assistance to Individuals in Crisis Situation (AICS) program sang Department of Social Welfare and Development (DSWD) nga nagahatag sang cash assistance sa mga beneficiaries.

Isa na diri ang Cash Assistance for other Support Services ukon ang ginatawag nga sectoral AICS nga ginahatag sa mga sector sang kada LGUs nga naapektuhan sang pandemya.

Paathag ini ni Mr. Joselito Estember, crisis intervention section head sang DSWD kasunod sang tag-P3,000 nga ayuda nga nabaton sang mga PWDs, mangunguma, kag manugpangisda sa Banate, Iloilo kahapon, Setyembre 14.

Suno kay Estember halin sa General Appropriations ang pondo nga ginagamit sa paghatag sang ayuda sa idalum sang nasambit nga programa kag ginahatag lang ini base man sa request sang kada LGU sa opisina ni Pres. Rodrigo Duterte.

Gina-assess kag gina-validate suno sa iya sang kada MSWDO kun sanday sin-o ang mga sektor nga kwalipikado nga makabaton sang ayuda.

Sang Setyembre 13, nag-payout ang DSWD sa Miagao, Guimbal, Tigbauan, kag Oton. Kaina naman ila ginpadulungan ang Leganes, Dumangas, kag Banate kag natalana pa nga pangkadtuan ang San Miguel, Pavia, Pototan, San Enrique, Passi City, kag Sta Barbara.

Ang nasambit nga mga LGUs pa lang suno kay Estember ang naka-request para sa sectoral AICS. — via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 124-anyos nga si Francisca Susano sang Kabankalan City, Negros Occidental, ginkilala nga oldest living person sa kalibutan sang National Commission on Senior Citizens
Next post Paggamit sang Ivermectin vs COVID-19, napamatud-an nga epektibo sa madamo nga pagtuon sa nagkalain-lain nga pungsod suno kay Dr. Homer Lim, presidente sang Concerned Doctors and Citizens of the Philippines