Balay, nasunog sa Tabuc Suba, Jaro
ILOILO CITY – Naupos ang balay sang nasunog sa Phase 5 Banker’s Village, Tabuc Suba, Jaro kahapon, Nobyembre 21.
Ginapanag-iyahan ni Juanita Cordero , 57-anyos ang balay.Suno kay Elsa Montaño, live in partner sang bata ni Juanita Cordero, nagahigda sila sa kwarto upod ang iya ka-live in kag anum ka bulan nga bata nga babaye sang nakapanimaho sang sunog nga goma.
Gilyon sila nga guwa sa balay kag naghingagaw kuha sang diutay nga irislan antes nag-ibwal ang kalayo bangud human ang balay sa light materials.
Suno kay Fire Officer 2 Ronald Agot, arson investigator sang BFP, posible short circuit ang ginhalinan sang kalayo. Ginabanta sa P30,000 ang kahalitan sang sunog.
