May 28, 2022

Barangay hall, ginabanta 20 pa ka mga balay sa San Pedro, Molo, nadakpan sang Task Force Boltahe nga may illegal koneksyon sang kuryente

Read Time:1 Minute, 7 Second

ILOILO CITY – Nadiskubrehan sang Task Force Boltahe sang siyudad nga may illegal connection sang kuryente ang barangay hall sang San Pedro, Molo kag ang pila ka mga balay diri, sang nag-conduct sila sang operasyon sang Enero 18.

Suno kay Task Force Head Joel Gerasmia, natukiban nila nga naga-connect direkta sa metruhan sang Office of Persons with Disability Affairs (OPDA) ang linya sang barangay hall kag sang ginabanta 10 tubtob 20 ka mga balay.

Ginpahayag ni Gerasmia nga nakabaton sila sang reklamo nga masami nagaka-overload kag nagakapatay ang breaker sang OPDA kabangdanan nga naghimo sila sang operasyon.

Nagsaka man suno kay Gerasmia ang electric bill sang OPDA. Sadto suno sa iya, tag-P5,000 lang ang electric bill sang opisina apang sang nagligad nga mga binulan nagdangat ini sa kapin P30,000. Gin-athag ni Gerasmia nga ang City Government ang nagabayad sang bill sa kuryente sang OPDA sa MORE Power.

Wala naman nalakip sa mga ginabayaran sang siyudad ang mga barangay hall bangud may kasugtanan na sila nga ma-separar sila sang metrohan sang ginbulasn sang MORE ang PECO sa siyudad.

Wala naman sang may nadakpan ang Task Force Boltahe nga mga residente nga naga-illegal connection bangud madasig sila magpanghimos sang ila mga linya.

Ginatinguhaan pa sang Aksyon Radyo nga makuhaan sang pahayag ang Barangay Officials sang San Pedro, Molo

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Video sang lalaki nga pwersa ginpasakay sa SUV sa Bago City, Negros Occidental, viral sa social media
Next post 7 ka tribu, mapasundayag sa highlight sang Iloilo Dinagyang Digital 2022 subong nga adlaw