May 28, 2022

Video sang lalaki nga pwersa ginpasakay sa SUV sa Bago City, Negros Occidental, viral sa social media

Read Time:1 Minute, 11 Second

NEGROS OCCIDENTAL – Ginapadalman sang Bago City police ang imbestigasyon sa papwersa nga pagpasakay kay Johnson Garfil, 33-anyos, sa SUV sa Brgy. Abuanan, Bago City.

Nakuhaan sang pila ka motorista sang video ang insidente sang Enero 18, 2022.Suno kay PLTCOL Joem Malong, hepe sang Bago City Police Station, base sa ila pagpangusisa, pakadto si Garfil sa Brgy. Ara-al, La Carlota City sang natabu ang insidente.

Nagaguwa sa police investigation nga nagatenir na si Garfil sa iya live-in partner sa Cauayan, Negros Occidental kag nagapauli lang sa ila sa La Carlota kun magtambong siya sa hearing sang iya kaso.

Ginkumpirmar ni PLTCOL Malong nga masobra pa lang isa ka tuig nga nakaguwa sa presuhan si Garfil matapos nakapiyansa sa iya kaso.

Ginpabutyag pa ni Malong nga suno sa mga testigo, antes ang papwersa nga pagpasakay kay Garfil sa puti nga SUV nga wala sang plaka, naka-istorya pa niya ang mga suspek.”Kun tan-awon naton, basi kilal-anay man lang sila.

Amo pa na ang gina-check naton,” suno kay Malong sa interview sang Aksyon Radyo Bacolod.Ginatutukan suno kay Malong ang personalidad nga masami ginatawgan ni Garfil.

Suno sa iya live-in partner, ginasukot ni Garfil ang iya ginatawgan.Pero gina-imbestigaran man suno kay Malong ang iban pa nga mga anggulo.Martes, Enero 18, sang nag-report sa police ang pamilya ni Garfil may kaangtanan sa natabu. — via Aksyon Radyo Bacolod

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Suspek nga nag-hold up sa lugawan sa Jaro, na-identify na sang pulis
Next post Barangay hall, ginabanta 20 pa ka mga balay sa San Pedro, Molo, nadakpan sang Task Force Boltahe nga may illegal koneksyon sang kuryente