Planta sang Coca-Cola sa Pavia, nag-untat sang bottling operations bangud sa kakulang sang grade sugar

ILOILO — Gin-anunsyar sang Coca Cola plant sa Pavia, Iloilo nga suspendido ang ila bottling operations bangud sa kakulang sang supply sang bottlers grade sugar.

Ini bangud sa nagapadayon nga crisis sa kalamay sa pungsod.

Natapik ang announcement sa kudal sang Coca Cola plant sa Pavia.

Sang damlag lang, gin-anunsyar man sang Coca Cola Beverages Philippines, Inc., ang temporaryo nga pag-untat sang operasyon sang pila nila ka mga planta sa pungsod pareho sa Naga City, kag Ulas, Davao City.