77 ka mga Badjao nga na-rescue sa Iloilo City kag Dumangas nakatabok na pabalik sa Bacolod City
Nakatabok na pabalik sa Bacolod City ang 77 ka mga Badjao nga na-rescue sa Iloilo City kag Dumangas las-4 kaina sang hapon.
Sa data sang Public Safety and Transportation Management Office (PSTMO), 49 ka mga Badjao ang na-rescue sa Iloilo City samtang 28 naman ang halin sa Dumangas.
Una na nga gin-report nga nakalab-ut sa syudad ang mga Badjao sang ginpadala sang Bacolod City LGU paagi sa ila “Operation Badjao.”
Nagmandu naman si Mayor Jerry Treñas sa PSTMO nga tipunon ang mga Badjao kag pabalikon sa Bacolod City.
Suno kay Treñas, ginhimo ang proper coordination sa Department of Social Welfare and Development (DSWD) agud mapatabok ang mga Badjao pa-Bacolod, pakadto sa Dumaguete kag Zamboanga.
Ginpabutyag sang akalde, “As a responsible local government unit, Iloilo city will complete what others have attempted to do halfway.”
Ginpasalamatan ni Treñas ang City Social Welfare and Development Office (CSWDO), PSTMO, kag Mr. Hector Alejano sa pag-rescue sang mga Badjao.
