“No sail zone” ipatuman sa kadagatan sang Arevalo tubtob sa Buenavista, Guimaras para sa highlights sang 51st Paraw Regatta Festival

ILOILO CITY – Ginadumilian ang paglayag sang mga sakayan pandagat sa kadagatan nga sakop sang Arevalo tubtob sa Buenavista, Guimaras para sa highlight sang 51st Iloilo-Guimaras Paraw Regatta Festival sa Marso 3 halin las-otso sa aga.

Ini ang ginpahibalo sang Philippine Coast Guard (PCG) – Iloilo agud masiguro ang safety sang mga nagapasakop sa kumpetisyon kag mga tumalan-aw.

Suno sa PCG- Iloilo, ipatuman ang “No Sail Zone” sa halin sa vicinity waters sang Tatoy’s Restaurant sa Sto. Niño Sur, Arevalo padulong sa vicinity waters sang Buenavista, Guimaras kag pabalik.

Sa Marso 3, hiwaton ang Paraw Main Race nga ginalauman pasakupan sang madamo nga mga paraw.

Ma-deploy man sang personnel ang PCG- Iloilo sa nasambit nga kadagatan agud masiguro nga wala sang malayag nga sakayan pandagatan magluwas sa mga nagapasakop sa kumpetisyon. — via PCG-Iloilo